Hljóðdæmi

Efni sögunnar:
Ísbjörn bankar uppá hjá bláfátækri og barnmargri fjölskyldu eitt kvöldið. Hann býður þeim ríkidæmi gegn því að fá yngstu dótturina gefins. Það verður úr og yngsta dóttirin leggur upp í ferðalag með ísbirninum. Ísbjörninn reynist þó vera prins í álögum en stúlkan kallar yfir þau mikla ógæfu með því að hunsa ráðleggingar hans.
Prinsinn hverfur og stúlkan á þann einan kost vænstan að leggja upp í ferðalag til að leita hans. Hún þarf að finna Höllina fyrir austan sól og vestan mána en þangað virðist ógerningur að komast.

Hljóðdæmi:

Efni sögunnar:
Kýrinn búkolla hverfur einn daginn og karl og kerling senda son sinn að leita hennar. Strákurinn kemst fljótlega á slóð kýrinnar og finnur hana að lokum í helli nokkrum. Tvær ægilegar skessur veita stráknum og Búkollu eftirför og eru stórstígar mjög. Strákur verður örvæntingarfullur en kýrin Búkolla á ráð undir rifi hverju. Eftir langa og stranga svaðilför verða skessurnar að steini og strákur kemst heilu á höldnu heim í kotið.

Köttur nokkur tekur sig til og bítur skottið af músinni. Músin heimtar að sjálfsögðu skottið sitt aftur en kötturinn vill að músin útvegi sér fyrst mjólk að drekka. Músin fer til kýrinnar en kýrin vill fá hey. Músin fer þá til bóndans en bóndinn vill fá kjöt. Músin fer þá til slátrarans en slátrarinn vill fá brauð. Músin fer þá til bakarans og bakarinn gefur músinni brauð og þá rennur keðjan til baka og músin fær loks skottið sitt aftur.

Sagan er auðskilin fyrir yngstu börnin.

Hljóðdæmi

Efni sögunnar:
Sagan sígilda um dátann sem kemst í kynni við hundana þrjá með ógnarstóru augun. Með eldfærunum góðu gerast hundarnir þrír þjónar hans og láta allar óskir hans rætast. Hann eignast allt sem hugurinn girnist en heitast óskar hann þó þess að fá að sjá kóngsdótturina fögru. Sú bón hans reynist dýrkeypt og dátanum er varpað í svartholið.

Hljóðdæmi

Efni sögunnar:
Ljónið, konungur dýranna vaknar bæði andfúll og skapfúll. Því miður fá dýrin í kringum hann heldur betur að kenna á skapvonsku hans. Hann innir þau eftir skoðunum varðandi andremmuna en beittar vígtennur hans eru ekki umflúnar, sama hverju þau svara honum. Að lokum er það lítil kanína sem gerir ljónið kjafstopp og bjargar þannig lífi sínu.

Hljóðdæmi

Efni sögunnar:
Þetta er lítil saga úr náttúrunni sem segir frá því hvernig smádýrin gleðjast yfir því að litla kóngulóin skuli vera að vefa sinn allra fyrsta vef. Gleðin breiðist út og bæði dýr og börn kætast.

Sagan er auðskilin fyrir yngstu börnin.

Efni sögunnar:

Kabar og Salí eru systkini sem búa í þorpi einu í Afríku. Þau eru líka bestu vinir og bæði vinna og leika sér saman. En Gumbar er hrekkjóttur 12 ára strákur sem gerir systkinunum lífið leitt og notar hvert tækifæri til að stríða þeim. Krakkarnir vilja ná sér niðri á Gumbar og þegar gamli töfralæknirinn í þorpinu lánar þeim töfragrip fá þau tækifæri til að hefna sín. Systkinin komast svo að því að hefndin er ekki alltaf besta ráðið.

Hljóðdæmi

Efni sögunnar:
Litla stúlkan hún Gullbrá er enn á ferð um skóginn og heimsækir hér birnina þrjá. Þeir hafa brugðið sér í skógarferð á meðan grauturinn þeirra kólnar en Gullbrá bregður sér inn og gerir bara það sem henni dettur í hug.

Sagan er auðskilin fyrir yngstu börnin

Hljóðdæmi

Efni sögunnar:
Vonda stjúpmóðirin öfundar Mjallhvíti af fegurð hennar og reynir að koma henni fyrir kattarnef. En Mjallhvít flýr inn í skóginn og endar í húsi dverganna sjö. Vonda stjúpmóðirin er samt ekki á því að gefast upp og með hjálp töfraspegilsins kemst hún að því hvar Mjallhvít dvelur. Hún leggur á ráðin að losa sig við Mjallhvíti fyrir fullt og allt.

Sagan er auðskilin fyrir yngstu börnin

Hljóðdæmi

Efni sögunnar:
Tólf ára fátækur smali á bóndabæ verður fyrir því að missa fót við hné og er því einfættur. Þegar hann situr yfir ánum útí náttúrunni fer hann að hugsa um hvort sögurnar um dvergana í steinunum séu sannar. Sögurnar sem segja að dvergarnir séu svo miklir læknar að töfrum sé líkast. Og það ótrúlega gerist, dvergarnir birtast drengnum og bjóða honum að laga fótinn…

Hljóðdæmi

Efni sögunnar
Eftir hrakfarir sitja karl og kerling í kotinu uppi með einkennilegan gráklæddan náunga. Hann reynist þeim þó mikil búbót en þjófóttur líka. Hann þarf að gera upp skuldir sínar við kónginn með því að leysa þrautir sem kóngur leggur fyrir hann. Grámann reynist slunginn náungi og á snilldarlegan hátt nær hann þrisvar að bjarga lífi sínu með því að leysa þrautir kóngsins. Í verðlaun fær hann að giftast prinsessunni og kemur þá í ljós hver Grámann er í raun og veru.

Hljóðdæmi

Efni sögunnar:
Svangur íkorni finnur hnetu og fer með hana heim. En hnetunni hans er stolið og hann fer af stað í leit að þjófnum. Á leið sinni hittir hann Skjaldböku, mús og kónguló og íkorninn hjálpar þeim öllum á einhvern hátt. Í staðin vísa þær á hnetuþjófinn sem er skrautlegur páfagaukur. Þegar íkorninn loks finnur páfagaukinn og hnetuna sína fær hann meiri áhuga á eggjum páfagauksins. Hann þarf svo að eiga við sína eigin samvisku þegar hann sér örvæntingu páfagauksins.

Sagan er auðskilin fyrir yngstu börnin

Hljóðdæmi

Efni sögunnar:
Sagan sígilda um geiturnar sem vilja komast yfir brúnna og ljóta tröllið sem býr þar undir. Geitafjölskyldan á ráð undir rifi hverju og nær með kænsku og kröftum að snúa á tröllið.

Sagan er auðskilin fyrir yngstu börnin

Hljóðdæmi

Efni sögunnar:
Fátæk stúlka fær gefins galdrapott sem er þeim eiginleikum gæddur að elda graut fyrir eigendur sína. Aðeins þarf að segja réttu töfraorðin til að láta pottinn byrja og hætta. Stúlkan og móðir hennar njóta góðs af potti þessum en eitt sinn þegar móðirin er ein heima, langar hana í graut. Ekki vill þá betur til en að mamman man ekki töfraorðin til að fá pottinn til að hætta. Grauturinn flæðir og flæðir og sagan ætlar að enda með ósköpum...

Sagan er auðskilin fyrir yngstu börnin

Hljóðdæmi

Efni sögunnar:
Kóngur nokkur á sex syni og eina dóttur. Hann óttast að hin illgjarna stjúpa þeirra vinni þeim mein og felur börnin sín í skógarkastala. En hin vonda stjúpa finnur kastalann og með göldrum breytir hún drengjunum í svani. Systir þeirra er staðráðin í að leysa bræður sína úr álögum en það verkefni krefst mikilla fórna í heil sex ár.
Hún giftist kóngi úr næsta ríki en lendir í miklum hremmingum áður en henni tekst að leysa bræður sína úr álögum.

Hljóðdæmi

Efni sögunnar:
Þegar lítil prinsessa fæðist, ríkir mikil gleði í höllinni og kóngurinn faðir hennar býður til veislu. Þar mæta 12 heilladísir en sú 13. mætir óboðin og leggur á barnið að það skuli stinga sig á snældu og sofa í 100 ár. Óheillaspáin rætist þegar prinsessan er 15 ára og allt líf í höllinni sofnar með henni. Þyrniskógurinn vex og vex og færir höllina í kaf. Í áranna rás reyna ýmsir kappar að komast í gegnum banvænt þyrnigerðið en að 100 árum liðnum kemur hinn ungi konungsson sem reynist heppnari en hinir og hann ætlar sér að líta augum hina fögru Þyrnirós hvað sem það kostar.

Hljóðdæmi

Efni sögunnar:
Bændasynir fimm sem bera nöfn sín með rentu fara út í heim að leita sér frama. Þeir fá það verkefni hjá kónginum að gæta dætra hans á jólanótt en tvær þeirra hafa áður horfið sporlaust. Bræðurnir lenda í átökum við tröllkarl ógurlegan, elta hann í hellinn og drepa hann og tröllkerlingu hans. Þeir frelsa týndu konungsdæturnar og sagan endar í fimmfaldri brúðkaupsveislu.

Hljóðdæmi

Efni sögunnar:
Bláklædd kona kemur barnlausum konungshjónum til hjálpar. Ekki vill þá svo betur til en drottningin fæðir bæði fagurt stúlkubarn og svartan kött. Kisa þessi er klók og lendir ásamt hinni fögru systur sinni í ýmsum ævintýrum. Á ferðum sínum dvelja þær í fjarlægu konungsríki sem hefur að geyma tvo gjörfulega konungssyni. Annar þeirra verður ástfanginn af hinni fögru kóngsdóttur en kisa vill sjálf fá að giftast hinum prinsinum. Kisa er þó ekki öll þar sem hún er séð heldur hvíla álög á henni og í ljós kemur hver hún er í raun og veru…

Hljóðdæmi

Efni sögunnar:
Remúlus og Dúna eru flækingskattahjón sem eiga von á kettlingunum sínum í heiminn. Það er fimbulkuldi og í örvæntingu laumast þau inn í híbýli fólks og fela sig þar inní skáp. Þar gýtur Dúna tveimur ketlingum. Þau lifa í ótta um að finnast inn í skápnum og vera hent út í frostið en eignast óvæntan vin sem býr í húsinu. Það er lítil manneskja sem verður bjargvætturinn þeirra.

Hljóðdæmi

Efni sögunnar:
Malarasonur fær aðeins einn kött í arf eftir föður sinn og finnst það ansi súrt. Köttur þessi er þó staðráðinn í að bæta hag húsbónda síns. Hann reynist klókur og útsmoginn og kemur sér í mjúkinn hjá kónginum. Með hjálp kattarins breytist malarasonurinn fátæki í forríkan greifa og þá er kóngsdóttirin fagra ekki langt utan seilingar…

Hljóðdæmi

Efni sögunnar:
Faðir þriggja dætra lendir í kastala þar sem ægileg ófreskja býr. Ófreskjan þyrmir lífi hans en krefst þess að hann sendi eina dóttur sína til sín í staðinn. Úr verður að yngsta dóttirin Fríða fer í höll ófreskjunnar. En dýr þetta reynist ekki eins hræðilegt og við mátti búast og brátt kemst Fríða að því að undir þessu hræðilega útliti leynist gott hjarta. Með þeim tekst vinátta og Fríðu fer að þykja vænt um þennan vin sinn. Dýrið hefur þó fleira í hyggju og sagan tekur óvænta stefnu þegar Fríða svíkur loforð sitt við dýrið…

Hljóðdæmi

Efni sögunnar:
Hjón nokkur eiga sér þá ósk heitasta að eignast barn. Þeim verður að ósk sinni en drengurinn sem þau eignast er á stærð við þumalfingur. Hann er þó hinn mesti skýrleikspiltur og duglegur í alla staði. Hann fer í ferðalag um heiminn og lendir í allskyns hremmingum en alltaf tekst honum að bjarga sér úr hinum ýmsu vandræðum.